Janë dashur vetëm pak orë që grekët të zhvillojnë zgjedhjet, të numërohen votat, të shpallet fituesi dhe të dorëhiqet humbësi. Ky zhvillim nuk ka kaluar pa u komentuar nga ish-ministri i Drejtësisë, Ylli Manjani, i cili ka bërë një paralelizëm mes zgjedhjeve të zhvilluara ditën e djeshme në Greqi dhe zgjedhjeve vendore të 30 qershorit në Shqipëri.
Manjani shkruan:
Çfarë perfeksioni demokratik!
Grekët, dje bënë zgjedhje sot formuan qeverinë e re!
As KQZ, as ODIHR, as Palmer, as Mogherini, as ambasada e as lesh.
As blerje votash, as sherre komisionerësh. Punonjësve të shtetit s’u ndjehet zëri e as ka zë që ti kërcënojë.
Votim i lirë, numërim i shpejtë, rezultat e ndershëm!
Thjesht demokraci!
E pastër sa më ska!
Humbësi largohet.
Fituesi urohet.
Populli vendos.
Askush nuk mban e as merr me zor pushtetin!
Dhe kemi dhe fytyrë të shajmë grekët, pa le!
